Бұған дейін 13 пайдалы қосымшаны бөліскен едік. Бұл тақырыпты одан әрі ашу үшін сіздермен тағы да 8 пайдалы қосымша бөлісеміз. Жұмысбасты адамға, эффективті жұмыс істеуге талпынатын әрбір жанға аса қажет тегін мобильді қосымшаларды жүктеп алыңыз.

Медитацияға арналған “Siberian Breath” қосымшасы. Сіз ыңғайлы күйге түсіп, дұрыс тыныстағанда бұл қосымшаны қосып, рахат күйге бөлене аласыз. Сібірдің пейзажы оның таза ауасында отырғандай сезім сыйлайды. Бұл бейнеге күніңіздің 1 минутын арнау арқылы күні-бойы сергек жүре аласыз. 

Фитнеске арналған "GetFit" қосымшасы. Егер сіз фитнес, спорт залына баруға уақыт таппай жүрсеңіз, бірақ артық салмақ тастау ойыңызда болса, бұл қосымша сізге көмектеседі. Ешқандай жаттықтырушысыз, басқарусыз күніңіздің кез келген уақытында жаттыға аласыз.

Ұйқыны реттеу үшін пайдалы "Loona" қосымшасы. Бұл қосымша арқылы сіз ұйқысыздық, уайым, стресс сынды дүниелерден арыла аласыз. Белгілі шығармашылық тапсырмалар, тыныштық сезімін сыйлайтын фондағы әуен сізді таза, терең ұйқыға жібереді.

Күнделікті жоспарға арналған "Tappsk" қосымшасы. Пайдалы 4 қосымша біреуде жинақталған: to-do-жоспарлаушы+әдет трекері+еске салу+күнтізбе. Бір күнде атқарар ісіңіз көп болса, маңызды дүниелерді есіңізден шығарып ала берсеңіз Tappsk-ті көшіріп алыңыз. Алаңдамай жұмысыңызды жалғастыра бересіз. Қосымшадағы барлық функция бір экранда орналасқан, жұмыс істеуге кедергі келтірмейді.

Тіл үйрену үшін маңызды "Remember" қосымшасы. Қосымша арқылы сөздік қорыңызға күнделікті 20 жаңа сөз қоса аласыз. Кез келген деңгеймен бастап кете аласыз, 40 жаңа тіл үйренуге мүмкіндік береді. Қосымша сөздерді есте сақтау үшін эффективті ойындар, дұрыс сөйлеуге арналған жаттығулар, ақылды кеңестер ұсынады.

Adobe Spark - әлеуметтік желіге (instagram, pinterest, facebook, twitter) пост жазу үшін, редакциялап, дайындау үшін таптырмас қосымша. Сонымен қатар көзге тартымды веб-парақшалар, сурет, видеолар да осы қосымшада орналасқан.

Triposo - сіздің телефоныңыздағы әлемдік тур-гид қосымшасы. Оффлайн және тегін қызмет көсетеді. Әрбір саяхатшы барған жерінің тарихи, көрікті орындарын көргісі келеді. Сол туралы іздейді, ақпарат жинайды. Қандай мейрамханалар, қонай үйлер, көңіл көтеретін орындар бар деп іздестіреді. Барлық жерді картадан табуға болады. Сонымен қатар ол орынға қалай жету керегін анықтай аласыз. Телефоныңызды онлайн режимге қосқанда сол уақытта өтетін концерт, фестиваль, іс-шаралар жайлы ақпаратқа ие боласыз.

Kitap - қазақ тілінде 4000-ға жуық кітап жүктелген. “Қазақстанның ашық кітапханасы” онлайн-жоба аясында жүзеге асқан қосымшаның бірі. Онлайн ашық кітапхана қазақ мәдениеті туындыларының электронды толық жинағын және әлемдік көркем әдебиет туындыларын, сондай-ақ қазақ тіліне аударылған ғылыми әдебиеттерді ұсынады.