Тұлғалық даму, жан-жақтылық жайлы ақылы курс, іс-шара өте көп. Алайда бәріне белсенді түрде қатысуға күнделікті жұмыс, атқару қажет істер мүмкіндік бермеуі мүмкін. Уақыт пен қаржыны үнемдей отырып, қолыңыздағы ұялы телефонмен-ақ тұлғалық дамуды қолға алыңыз. Күнді, ақшаны жоспарлауға, танымды арттыруға болатын мобильді қосымшаларды ұсынамыз.

Сыни ойлау, дүниетанымды арттыруға арналған қосымшалар:

TED (IOS, Android): әртүрлі зерттеушілер мен өз ісінің мамандары пайдалы лекция ұсынады. Бұл білім арқылы сыни ойлау дағдыны қалыптастыра аласыз.

Тренировка памяти и мозга (Android), Тренер Мозга(IOS): есте сақтау қабілетін жақсартуға арналған қосымшаларда түрлі жаттығу, тәсіл көрсетілген.

Қаржылық сауаттылық маңызын түсіндіретін мамандар алдымен бюджетті жазуды, жоспарлауды ұсынады. Телефон арқылы қаржыңызды сауатты басқаруды үйреніңіз:

CoinKeeper (IOS, Android): қаржыңызды саналы түрде жұмсауды қалыптастырасыз. Кіріс пен шығысты бақылап, ақшаның көп бөлігі қайда кететінін анықтай аласыз.

Транжира (IOS, Android): ақылы түрін сатып алып кеңейтілген зерттеу мүмкіндігіне ие боласыз.

Егер ұйқы режиміңіз бұзылып немесе стресстен арылуды қаласаңыз сізге мына қосымшалар көмектесе алады:

Headspace (IOS, Android): ұйықтар алдында тыңдауға болатын аудиожазбалар, медитация курстары, стресске қарсы жаттығулар және ерекше дизайн бір қосымшада жинақталған.

Sleep Cycle (IOS, Android): қажетті кеңестер, жүйелі анализ және тиянақты интерфейс.

Күнделікті істерді жоспарлауды қолға алғыңыз келсе, бұл туралы сізге ескертіп тұратын қосымшаларды жүктеп алыңыз:

Evernote (IOS, Android): қосымшадағы дайын дизайн арқылы күнді жоспарлай аласыз. Дизайнды қалауыңызша өзгертуге болады. Жазбаңызды, жоспарыңызды өзге адаммен бөлісу мүмкіндігі бар.

TickTick (IOS, Android): тапсырмаларды, жоспарды маңызына қарай бөліп қоюға болады.

Pomodoro timer (IOS): Атақты Pomodoro тәсілімен 25 минут жұмыс істеп, 5 минут демала аласыз.

Тіл үйренгіңіз келіп, бірақ оффлайн курсқа баруға уақытыңыз, мүмкіндігіңіз болмаса мына қосымшаларға жүгіне аласыз:

Duolingo (IOS, Android): негізгі үйренгіңіз келген тілді, қосымша тілді еңгізу арқылы тіл үйрене аласыз. Орыс тілімен ағылшын, француз, неміс, испан тілін, ағылшын тілі арқылы одан да көп тілді меңгеруге болады.

Redict (IOS): ағылшын тіліндегі грамматика, ережелерді үйрене аласыз.

Демалыс, достармен сөйлесу - жұмыстың өнімді болуына көмектеседі. Жақыныңызға, көпшілікке сапалы қоңырау шалғыңыз келсе осы екі қосымша мүмкіндігін байқап көріңіз:

Skype (IOS, Android): қосымша арқылы қоңырауды әртүрлі топқа бөліп қарастыруға болады (жеке, ортақ жиналыс).

Hangouts (IOS, Android): дәл Skype мүмкіндіктерін береді, сапалы қоңырауға кепілдік бар.

(жалғасы бар)