ТОРМОЗ БОЛМА Алмат Анарғали бұрыннан танитын жақсы досым болады. Алматыда университетте оқығанда, Алмат Түркияға оқуға түсу мақсатымен біздің үйге қонаққа келген еді. Сол кезде таныстық. Мен үшін де Түркияға оқуға түсу арман еді. Бірақ өзіме сенімсіздік және қорқу болды. Алматтың ынтасына, өзіне сеніміне, дайындығына, және біліміне қайран едім. Ол кісі оқуға түскенін естігенде қатты қуандым. Арада жылдар өтті. Қайтадан қалай араласып кеткеніміз есімде жоқ. Бірақ менің көзімде Алмат әлі сол өзіне сенімді, білімді, адал, адамгершілігі мол, қарапайым кісі. Қашан өзімен сөйлессем көзінде от, керемет жобалар, идеялар болады. Жақында Алмат мырза "МЕНТОР" атты алғашқы кітабын шығарды. Бастаманы қолдау мақсатында кітапты сатып алып оқып шықтым. Бұл кітапты оқығанда көзімнің алдында досымды елестеттім. Автор өзіңді баяндағаны сөзсіз. Алмат оқырмандарды жылдам үйрену үшін қолданылатын "ТЕЗ БОЛ" формуласымен таныстырады. Өміріміздің біз ойлағандай болмауының себебі - Темірдей тәртіптің жоқтығы. Сол үшін Автор еңбегінде оқырмандарға Темірдей Тәртіп қалыптастыратын 6 жолды ұсынады. Қатты қорыққаннан адам "тормоз" болып қалады екен. Автор оқырмандарды Арыстандай айбаттанып, бір сілкініп, қайта мақсатқа бет бұруға, "Тормоз" болмауға шақырады. Жаңа қабілеттерді үйрену үшін кітапта алғырдың 6 қасиетіне назар аударылған. Кітаптың екінші бөлімінде қиялдаудың пайдасы, мазасыз ойдан қалай арылу керектігі, жамандық жаман ойдан шығатыны, қоғамды қалай өзгертуге болатыны, сары уайым, қызғаныш пен көре алмау, қарым-қатынас және бай сана туралы айтылады. Даму мен кемелдену жолында керек ақпараттың бәрі кітаптың соңында берілген. Шыңға шығарар 3 қабілет, мақсат қоюдың әдістері, кісіге қажет 3 қасиет, көп іс тындыруға көмекші 4 әдіс, мәселеңіздің 70%-ын шешетін қарапайым 7 әдет, үздіксіз пайда әкелетін 6 қабілет, осылардың бәрі сізге кемелдену жолында бағдар көрсетіп көмек беретіні сөзсіз. Бұл кітап кемелденуді көздеген кез келген адамға пайдалы болатынына сенімд