Біз аңсаған жұмысымызға тап болсақ та, бірнеше уақыт өткесін басқасын аңсай бастаймыз. Лотереядан ұтып және келіскен автокөлік сатып алсақ та, көп ұзамай біз яхтаны армандаймыз. Ғашығымыздың жүрегін жаулаған бойдан – бізге сол бойда басқа біреу керек бола қалады.

Біз кейде тойымсызбыз.

Стоишылдар көзқарасынан алғанда, бұның бәрі түкке тұрғысыз ынтызарлық. Ізгі адамның мақсаты – сабырға қол жеткізу, мазасыздықтан, үрейден, аяушылықтан, мансапқұмарлықтан, зұлымдықтан құтылып, жаныңды шаттыққа, іңкәрлікке бөлеу, дамылдату мен қайырымға толтыру.

Бұл мақсатқа жету үшін, стоишылдар жағымсыз елестетімдермен машықты: олар көз алдарына өздері ұшырайтын ең жаман жағдайға дайын болу үшін, оның елесін келтірумен шұғылданған. Ол әдістемені көру үшін, өзіңе ең жаман оқиғаны елестетіп, оны қабылдай әрі одан алыстай білу керек.

Ежелгі Римнің алпауыт байларының бірі Сенека, стоишылдықтың жақтаушысы бола жүріп, байлықтың ортасында ғұмыр кешті. Ол әрбір кеш сайын, ұйықтар алдында, жағымсыз визуализациямен шұғылдануға кеңес етті. Сенеканың өзі жағымсыз жайттарды елестетумен бірге оларды іске асырған: мысалға апта бойы қызметшісіз және қымбат тамақсыз әрі ішімдіксіз өмірді бастан кешу. Осындай тәжірибеден соң, оған мына сауалға жауап беру оңай еді: енді ең сұмдық нәрсе не болуы мүмкін?

Дереккөз: Икигай кітабы (Шабыт баспасы)