Миды түс көруге қалай бағыттауға болады?
0

Миды түс көруге қалай бағыттауға болады?

29 Шілде 2021

1. Ұйықтар алдында миыңызға айтыңыз: “Бүгін мен түс көремін және оларды есімде сақтаймын”. Мұны ішіңізден жиырма рет қайталаңыз. Сіз түсіңізде нені көргіңіз келгені жайлы, қай саланы зерттегіңіз келгені туралы болжауыңызға болады, бірақ есіңізде ұстаңыз, түс өзіндік бағдарлама негізінде пайда болады. Адам қазіргі уақытта нені түсінгісі келетінін ағза жақсы біледі.

2. Төсек қасында бір парақ қағаз бен қарандаш қойыңыз. Бұл тек қана тиімді ғана емес, сонымен қатар символикалық мағына толы болады. Осылай, сіз өзіңіздің түсіңіздің мағынасын түсінуге деген ынтаңызды көрсетесіз. Сіздің түсіңізге деген қарым-қатынасыңыз түстің сізге деген қарым-қатынасын көрсетеді. Түсті түсінуге тырыспас бұрын, оны ең алдымен мойындап, құрметтеп қарау керек. Сонда, түс жиірек түсіңізге кіреді.

3. Таңертең ұйқыдан оянған кезде тез арада төсектен тұрып кетудің қажеті жоқ. Себебі бұл уақытта баяу түрде сіздің санаңыз қайтып келеді. Осы аралық, яғни түс пен өң арасындағы уақыт үлкен мағынаға ие. Бұл екі ғалам арасындағы құз болып саналады. Мүмкін бір жерде әлі де түс бөлшектері ұшып жүрген шығар? Егер солай болса, онда өзінің олжасының соңынан жүрген ит сияқты түсіңізді бақылаңыз. Оның бөлшектерін есіңізге түсіруге тырысыңыз. Түсті ойша бірнеше рет қайталап, түс толыққанды қалпына келгенге дейін әр қайталаған сайын оған бір бөлшекті қосып отырыңыз. Орныңыздан тұрып, түсіңізді қағаз бетіне жазыңыз. Түс қағаз бетіне түсірілген соң, оны жоруға кірісу керек. 

Түсті қалай дұрыс жоруға байланысты Джон Кехоның “Түйсігіңмен ойла” кітабын оқуға кеңес береміз.