Ғаламтордағы бір мақалада ағылшын фантаст- жазушысы Нил Гейманның 2007 жылы Қытайға коммунистік партияның рұқсатымен ұйымдастырылған ғылыми фантастика және фэнтэзи бойынша алғашқы шараға барғаны туралы оқыдым. Ол билік өкілінен: «Сіз ұзақ уақыт бойы ғылыми фантастика- ны жақтырмай келдіңіз, не өзгерді?» – деп сұрайды. Билік өкілінің жауабы оны қатты таңғалдырады.

Қытайлар ұзақ жылдар бойы оларға дайын сыз- баларды әкеп берген жағдайда керемет нәрселер мен бұйымдарды өндіріп жүрді. Бірақ олар өздері ештеңені ойлап таба алмады, өнертапқыштық дамымады. Қытайлар АҚШ-тағы Apple, Microsoft, Google компанияларының болашақтың келбетін қазір қа- лыптастырып жатқан кеңселеріне адамдарын жібереді. Олар компания қызметкерлерінің бала кезде ғылыми фантастика оқығанын анықтайды.

Кітап оқу бізді таныс емес басқа әлемдерге жетелей алады. Біздің сенімдеріміз бен қалыптасқан түсініктеріміз кейде бізге кесірін тигізіп, мүмкіндіктерімізді шектеуі мүмкін.

Осыған қатысты маған ұнайтын цитаталар:

«Логика сізді А нүктесінен Ә нүктесіне дейін, ал қиялыңыз – қалаған жерге жеткізе алады». Альберт Эйнштейн.

«Нені елестете алсаң, сол шынайы». Пабло Пикассо.

«Тарихта бірде-бір адам алдымен қиялында елес- тетіп алмай ешқандай ұлы жетістікке жетпеді». Напо- леон Хилл.

«Қиял – кез келген адамның басты қаруы, өйткені сен нені елестете алсаң, соны ғана жасай аласың». Джордж Лукас.

«Егер сіз көз алдыңызға бір нәрсені елестете алса- ңыз, сіз оған қол жеткізе аласыз». Уильям Артур Уорд.

«Егер сіз мұны елестете алсаңыз, онда оны жүзеге асыра да аласыз». Уолт Дисней.

Сонымен, айтпағым: сізді шектейтін жалғыз нәрсе – ол сіздің қиялыңыз. Қиялыңыз шексіз болса, мүмкіндігіңіз де шексіз болады. «Бүгінгі күні кітап оқуды маңызы қандай?» деп жиі сұрайды. Кітап оқу – қиялыңызды кеңейтудің ең жақсы, ең арзан, ең тиім- ді және ішті пыстырмайтын жолы.

"Күміс кітап" үзінді. Бақытжан Бұқарбай