Өзін-өзі басқару, даналық, қайсарлық дәл керек уақытында біздің бойымызда табылмай қалады. Өзгеге ақыл айтуға, кеңес беруге шеберміз. Алайда, өзімізге келгенде көбіне қиналып жатамыз. Қазіргі заманауи философ Райан Холидей ежелгі даналардың кеңесіне жүгінген. Автордың “Стоицизм на каждай день” атты кітабынан стоиктардың сізге қажет болып қалар 5 кеңесін ұсынамыз.

1. Қазбалай бермеңіз. Егер де бір нәрсенің түбіне жеткен болсаңыз, арықарай қазбаңыз. Сананы, ақылды қазбалай беру бұзуы мүмкін. Бірдеңе болған кезде, жұмысымыз ілгері баспай жатқанда немесе өзге адам бізге зиян келтіргенде көпшілік адам көбіне жағдайды ушықтырып алады. Ең бірінші ашуланып, қабағын түйеді. Бүгінге алдыңызға ең оңай бір шешімді алып келіңіз: жағдайды нашарлатпаңыз. Не болса да, артық эмоцияға беріліп, ашуды қоспаңыз. Эмоциямен шешім қабылдамаңыз. Қазбаламаңыз. Содан кейін шығудың жолын табыңыз.

2. Бір істі істей алмасаңыз, екіншісін жасаңыз. Бірде Линкольн айналасындағы әскер басыларға жоғары лауазымға отырғысы келген адам туралы оқиға айтып берген екен. Ол адам бірінші сыртқы істер министрі болғысы келген. Бірақ бұл сұрауы орындалмайды. Бұдан кейін төменірек лауазымға өтініш етеді. Тағы да бас тартылады. Енді кеден қызметкері болсам дейді, қабылданбайды. Ең соңында тым болмаса Линкольннің шалбарын алайыншы деп сұрайды екен. Линкольн “кішіпейіл болған жақсы” деп қорытындылапты. Егер бір нәрсе қолымыздан келмесе, басқасын көруіміз керек. Ол болмаса үшінші мүмкіндік барын ұмытпаңыз. Мүмкіндіктің шексіз екенін білейік.

3. Өзіңізден бастаңыз. Бүгін не болса да, проблемаға, қиындыққа дайын болыңыз. Өзге адамның сізді режітерін, көңіліңіз қаларын алдын ала ойланыңыз. Осылайша көп қиындыққа жеңіл қарайтын боласыз. Бүкіл әлемді өзгертемін, төңкеремін деп ойлау қателік. Өзіңді өзгерткен анағұрлым жеңіл, әрі тез.

4. Серуендеуге шығыңыз. Философ, жазушы, ақындар жаяу жүру қосымша пайда алып келерін түсінген. Сол үшін де бүгін міндетті түрде серуендеңіз. Және стресс, уайым болған сәтте жаяу жүруді әдетке айналдырыңыз. Қиын сұраққа жауап табуға, шешім шығару үшін жүрудің маңызы зор. Ауа жетпей жатса таза ауада серуен құрыңыз. Достарыңызбен кездесу керек босла бірге жаяу жүріңіздер. Сізге физикалық күш қажет болса ұзақ сапарды жаяу жүріп өтіңіз. 

5. Сөз таласқа уақыт құртпаңыз. Сіз жеке, ортақ, ауқымды, кішігірім сөз таласқа тап болсаңыз өзіңізге сұрақ қойыңыз: бұл бір мәселені шешуге көмектесе ме? Сіз сөз саластырып тұрған адам бұдан кейін ақылды, дана немесе сөз түсінетін адамға айнала ала ма? Бұл талас не бере аларын ойланып көріңіз. Сіз құртқан энергияны басқа қандай пайдалы істе қолдануға болатынын еске түсіріңіз. Бұл өмірді жеңілдетеді.

Дереккөз: mann-ivanov-ferber.ru
Автор: Жадыра Жанарбек