“Алтын сақа” баспасының ұйымдастыруымен 5 күндік мерекелік іс-шара өтті

“Алтын сақа” баспасының ұйымдастыруымен 5 күндік мерекелік іс-шара өтті

04 Маусым 2021

 «1 маусым – Халықаралық балаларды қорғау күніне» орай 29 мамыр – 2 маусым күндері 11:00-16:00 аралығында «Алтын сақа» баспасының ұйымдастыруымен 5 күндік мерекелік іс-шара өтті. Іс-шара барысында жасөспірімдер сурет салу, арт-терапея, аквагрим, мехенди, құмға сурет салу, құмыра жасау сынды тегін мастер-кластарға қатысып, концерттік бағдарламаны тамашалады. Іс-шараға қаламыздың түкпір-түкпірінен 250-ге жуық бала келді. Ұйымдастырушылар әр күнге ат қойып, өзіндік ерекшелік қоса білді.

29 мамыр «Ертегі күні». “Алтын сақа” балаларды дамыту орталығының ашылуы өтіп, балаларға арналған концерттік бағдарлама қойылды. Психолог Алуа Есболатқызының «Ерекше ертегілер» ертегісінің тұсаукесері өтті. Одан бөлек қызықты ойындар мен тегін мастер-кластар ұйымдастырылды.

30 мамыр «Отбасы күні». «Ана мен бала» атты психологиялық тренинг өтті. Сонымен қатар, қызықты ойындар, тегін мастер-кластар ұйымдастырылды. 

31 мамыр «Квест күні». Балаларға арналған концерттік бағдарлама қойылды. Квест ойыны ұйымдастырылады. Бұл жерде балалар орталықтың әр жерінде жасырылған қағаздарды тауып, тапсырмаларды орындау қажет болды. 

1 маусым «Тәтті күні». “Алтын сақа” баспасының жас жазушылары Шразаддин Каниязов және Жібек Зинелованың «Кәмпитті жеген кім?» атты ертегісінің тұсаукесері өтті. Одан бөлек танымдық ойындар, құммен сурет салу мастер-класс болды. Кітап алған балаларға тегін балмұздақ тарту етілді. 

2 маусым «Фэнтези күні». “Алтын сақа” баспасының жас қаламгері Нұрай Қабылдың "Өсер ұрпаққа-өнеге" атты әңгімелер жинағы жарық көрді. Жасөспірімдерге арналған би жарысы болды. Баспаның ұйымдастыруымен балаларға арналған аниматорлар аю мен қоян балаларға биден батл өткізді. Одан бөлек, сурет салу мастер-классы болды. Қорытынды ретінде концерттік бағдарлама қойылды.