Google тек іздеу жүйесі деп ойласаңыз, қателесесіз. Google-дің берер мүмкіндіктері орасан зор. Қарапайым Google пошта (gmail.com) арқылы көптеген қосымшаларға, сайтқа, әлемдік жүйеге кіруге жол аша аласыз. Одан бөлек, gmail пошта қауіпсіздік жағынан кепілдік бере алады. Поштадағы жеке ақпараттың жоғалып кетуі, өзгелердің жойып жіберу қаупі төмен. Алайда google жүйесі өте ақылды екенін ұмытпаңыз. “Delate” батырмасын басып өшірген кез келген ақпаратыңызды google ұмытпайды. Бұдан өзге google-дің бізге берер мүмкіндігі қандай?

Google slides - оқу, жұмыс, жоба үшін презентация дайындауға арналған таптырмас қосымша. Google слайдтары арқылы мәтін, сурет, аудио және бейнелерді қолданып өнім дайындай аласыз. Одан бөлек тек бір адам емес, бірнеше адам бірігіп онлайн жұмыс істеуге мүмкіндік аласыз. Сондай-ақ сізге Google slides ұсынған дайын шаблон арқылы презентация дайындап, жүктей аласыз. Дайын жұмысыңызды Power Point арқылы көрсете аласыз.

Snapseed - фото, кадр сүйгіш жандар болса, бұл қосымша сіздер үшін. Кәсіби фоторедакторда 30-дан астам фильтр бар. Snapseed арқылы фотоңызды жарық қылып, эффект қосуға болады. Өзіңізге қажет емес артық детальді өшіре аласыз. Суретті қалай әрлеп, өзгеріс жасаймын деп ойлансаңыз Snapseed көмекке келеді.

Toontastic 3D - бұл қосымша кішкентай балалар үшін қызық әрі пайдалы бола алады. Қосымшада белгілі бір кейіпкерлерді таңдайсыз, сол кейіпкерлер арқылы мультфильм жасайсыз. Арықарай кейіпкерді ойнату, рөлін таңдау өз қолыңызда. Дайын болған мультфильмді телефоныңызға, планшетке көшіре аласыз.

Google Keep - жұмысбасты адамдар үшін, оқудаға студент, оқушы үшін қажет дүниелерді түртіп жазып алуға арналған мобильді қосымша. Бұл қосымша арқылы мәтінді тексеру, іріктеу, нақтылау секілді бірнеше қызмет түрін пайдалана аласыз. Сонымен қатар, күнделікті қажетті ақпараттарды сақтап, кез-келген уақытта өзгерту еңгізуге болады.

Google podcasts - қазіргі таңда актуалды тақырыптың бірі - подкаст. Google тыңдармандарына арнап “google подкаст” жүйесін іске қосты. Қосымшаны IOS пен Android-қа жүктеп алуға болады. RSS-файл арқылы жүктелген барлық подкаст автоматты түрде Google жүйесіне енеді. Осылайша Google арқылы подкаст тыңдай аласыз. Алайда YouTube желісіне жүктелген подкаст автоматты түрде “Google podcast”-та жарияланбайды. Ол үшін белгілі қадамдарды орындауыңыз керек.

“Youtube kids” - YouTube видео іздеу жүйесіне видео жүктеп көрген болсаңыз “бұл видеоңыз кімге арналады?” деген сауал сұрайды. Егер “тек балаларға арналған контент” десеңіз бұл видео балаларға көрінеді. Іріктеп алынған видеоматериалдар балаларға пайдалы, маңызды, танымдық болып келеді. Балаңызға YouTube желісінен барлық видеоны көруге рұқсат беруден қашыңыз.