Түс (цвет) біздің мінезімізге қалай әсер етеді? (Зерттеу)
0

Түс (цвет) біздің мінезімізге қалай әсер етеді? (Зерттеу)

22 Мамыр 2021

Түстің әсер ету психологиясы теориясының авторы Анджела Райттың зерттеуі бойынша біз шешімнің 80%-дан астамын визуалды ақпаратқа негіздеп қабылдайды екенбіз. Белгілі бір өнімді сатып алмас бұрын, біз оның түсін, формасы мен көлемін талдап, оны мұқият қарастырамыз. Ми бөліктері әртүрлі түс арқылы түрлі эмоция тудырады: қобалжудан тыныштық күйге дейін.

Неге бұлай болады?

Стэнфорд университетінің ғалымы Гордон Бауэр өзінің «Көңіл-күй және жады» (1981) атты зерттеуінде біздің миымызда ассоциативті желі - өзара байланысты білім жүйесі бар деп тұжырымдайды. Мида әр түстің өзіндік түйіндері бар, олардың арасындағы байланыс түстердің қаншалықты ұқсас екендігіне байланысты. Ассоциативті желі өмір бойы өседі.

Қандай эксперимент бар?

Мысалы, біз бала кезден қызғылт түсті қыздарға арналған деп ойлаймыз. Психолог Даниэла Сфет 2011 жылы осы түспен тәжірибе жасауға шешім қабылдады. Швейцарияның 10 түрмесінде тұтқындар агрессиясын азайту үшін қабырғаларды қызғылт түске бояған. Шенеуніктер төрт жыл ішінде тұтқындардың мінез-құлқы айтарлықтай жақсарғанын хабарлады. Алайда, эксперимент жайлы екі түрлі пікір қалыптасты. Себебі бұл бөлмені тұтқындар “кішкентай қыздың бөлмесі” деп жақтыртпайды екен. Олар үшін бұндай бөлмеде жүру қорлыққа тең көрінеді.

Қандай түс бізге қатты әсер етеді?

Қызыл түс батыл, ойланбайтын, импульсивті, жылдам әрекет тудырады, назарды тез тартады.

Сары - оптимистік, белсенді түс.

Қызғылт сары түс өмірге құштарлықты арттырады, рухани үйлесімділік пен ішкі тепе-теңдік сезімін сыйлайды.

Қызғылт түс адамның сезімталдығын арттырады, өзін ең әдемі, нәзік және романтик етіп сезінуге көмектеседі.

​​Қара түс ойды жинақтауға, бағытты нақтылауға көмектеседі.

Бұл психологиялық фактор жарнамада, маркетингте, терапияда, сондай-ақ партия сайлаушылар арасында сайлау кезінде қолданылады. Сондықтан, қандай да бір шешім қабылдамас бұрын, түс сізге және сіздің көңіл-күйіңізге әсер етті ме деп ойланып көріңіз.