«Comparitech» үкіметтік емес британдық қауіпсіздік жөніндегі зерттеу тобы Instagram, YouTube және TikTok желілерінде 235 миллион қолданушының ақпараты тарап кеткенін анықтады. Мәліметтер базасы мекен-жайы, телефон нөмірлері, қолданушылардың нақты аты-жөні мен фотосуреттері, кіру мәліметтері жалпыға қол жетімді болды.

Барлық ақпарат көпшілікке қол жетімді болғанымен, барлық үш қызметтің ережелері профильдерден деректерді шығаруға тыйым салады.

Сарапшылардың айтуынша, бұл деректер меркетологтар мен интернет кибер-алаяқтары үшін өте маңызды. Олар бұл деректерді өнімді дамыту, сондай-ақ, кибершабуылдар жасау мен жалған ақпарат тарату мақсатында қолдана алады. 

Comparitech сарапшыларының айтуынша, бұл деректердің тарауына “Deep Social” қызметшілері тікелей байланысты. Компания 2018 жылы өзінің жұмысын Facebook және Instagram желілерінде блокқа түскен соң тоқтатты. Алайда, Deep Social -да деректердің таралуын жоққа шығаруда және айтуларынша, бұл инцидентке атақты блог жүргізушілерінің деректерін сататын Гонконг компаниясы Social Data кінәлі болуы мүмкін.

Деректерді қалай қорғауға болады?

1. Құпия сөзді қиын қылып өзгертіңіз. 2017 жылы SplashData аналитикалық компаниясының сарапшылары бұзылған 5 миллион парольді талдады. «123456» саны бірнеше жыл қатарынан әлсіз құпия сөз тізімінде алғашқы орында тұр. 

2. Сізге хакерлік шабуыл жасалғанын тексеріңіз. Мұны haveibeenpwned.com арқылы қарауға болады. Тек электронды поштаңыздың мекен-жайын енгізсеңіз жеткілікті.

3. Достарыңыз туралы ақпаратты сақтаңыз. Қосымшаларда достарыңыздың байланыс нөміріне ашық доступ бермеңіз. Алаяқтар сіздің достарыңыздың дерегін әртүрлі манипуляциялар үшін қолдана алады.

4. Егер сіз iPhone қолдансаңыз, сізге қажет емес материалдың жіберілуіне жол бермеу үшін AirDrop-ты өшіріп қойыңыз.

Дереккөз: threedotsca